MZP Press Release 9th April, 2010

Mizoram Board Of School Education-in nikuma Middle School Leaving Certificate Examination leh Middle English School Leaving Certificate Examination-a Merit List a tichhuak hi MZP chuan lawmawm a ti takzet a. MBSE chungah lawmthu a sawi a ni. MSLC leh MESLC-a titha zual te hi MZP chuan a lawmpui takzet a, an kal lehzelna turah duhsakna a hlan a ni.


MZP chuan nimin 8th April, 2010-a HSLC Top Ten-a Mizo tlingte chawimawina hun hlawhtling takin a hmang a. He huna rawn tel, Khuallian leh khual zahawm te, lawmman sem tura kan mi sawm te, NGO sawm bik te, School hrang hrang te, zaithiam te leh he hun hlawhtlinna tura min hlutpuitute zawng zawng chungah MZP chuan lawmthu a sawi a ni. Tin, a bik takin kan chawimawite lawmman min tumsaktu he’ng : Zalen (Leading Sunday News Paper); Mosia Agencies, Chanmari; L.H. Thanga Enterprises, Ramhlun N; T&T Motor Parts, Bara Bazar; Beraw Press & Paper Works, Dawrpui Saron Road; L.D. Store, Dawrpui; Pu C. Lallianchhunga Asst. Professor MZU. Department of Political Science; Trade Center, Chanmari te chungah MZP chuan lawmthu a sawi takmeuh meuh a ni.


Tin, heng bakah hian chawimawina thilpek chi hrang hrang min tumsaktu he’ng ; M.D. Enterprises, Khatla; Moses Lamination, Khatla; Khaia & Sons, Vaivakawn; K.T. Enterprises, Khatla; J.P. Offset, Tuikhuahtlang; Pi Zohmingi Ralte, Upper Republic; David’s Kitchen, Chanmari-te leh Zozam Weekly Magazine; Diktawn Monthly Magazine; Students’ Outlook Monthly Magazine-te chungah MZP chuan thinlung takin lawmthu a sawi a, an kal lehzelna turah duhsakna sang ber a hlan bawk a ni.


Sd/-
(H. LALREMSIAMA)
General Secretary

MZP Press release 8th April, 2010

Vawiin dt . 8th April 2010 chawhma dar 11:00 khan MZP chuan HSLC 2010 Top Ten-a Mizo tlingte chawimawina hun Vanapa Hall-ah a hmang a. Pu Lalsawta, School Education Minister chu khuallian niin, Pu K. Riachho, Secretary School Education Gov’t. of Mizoram chu khualzahawm a ni. He hun hi Pu S.Lalrinawma Vice President-in a kaihruai a, Rev. Vanlalzuata Sr. Executive Secretary, Mizoram Synod in hunserh a hmang a, Pu Lalsangzuala Ngente Asst. General Secrary in he hun hman a nih chhan leh hman a lo nih tawh dan report kimchang a pe a, Zaipawl thiam tak New Horizon School of Education atang leh malzai Maggie, Zoramchhani leh H.Lalchhanchhuaha ten mipui kalkhawm te zaiin an awi bawk. Tin, Mizoram Coaching Academy (MCA) te’n zirlai kalkhawmte Carreer chungchang inhrilhhriatna an nei bawk. Pu Lalnunnema Ralte in lawmthu sawina hun a hman zawh in tawngtai rual a tin a ni.

Khuallian Pu Lalsawta, School Education Minister chuan thusawiin, “Fail vek School hi kan hlamchhiah dawn lova, kan hmusit dawn lova, dawm chhuah kan tum zawk dawn a ni. Zirna chungchang ah School tam tak ten an School a lut tur an thlitfim thin a, nimahse keini chuan zirlai naupang tha hlir luhna hi School tha teh nan kan hmang lova, School tha chu mithiam lo te, thiam theilo te tha taka chhuah theitu hi School tha, zirna tha kan ti a ni. Zirna siamtha turin hma kan hmalak na ah mi te ngei pawh kan hlawh dawn a, kan thawhpui leh Politics a kan thiante pawn min huat phah hial a rinawm, mahse kan Chief Minister berin min tuipui avangin tha ni a kan hriatah chuan huai takin kan kal dawn a ni.”a ti.

Khualzahawm Pu K Riachho Secretary & Diector School Education Deptt. Gov’t. of Mizoram in thusawiin, “MZP te’n zirna a tak tak in vei a, zirlai tithate chawimawina chang hunrei tak ata in lo chin tawh avangin a lawmawm ka ti hle. Vawiin ni hi tawpna ni a ni lova tun aia result tha zawk leh tun aia Mizofate ti hming tha zawk turin kan chawimawi te hi ka chah duh a ni. .Education Department hian ‘Fee hand’ kan mamawh khawp mai a, Zirtirtu transfer & posting leh Appointment kan politicalised thin hi a pawi tak zet a, hei hi District council hun lai atang tawha kan chin dan a ni a kan chhiat phah a, Education Reform Commission lam in tha takin an duang turah ngai i la. Sawrkar hnathawk te kan kal sual na turah MZP ten min ven pui kan ngai a ni.”a ti.

MZP President Pu VL Kosshnehzova pawhin thusawiin, “Zirtirtu te’n an thawh dawn a an intiam ang ngeiin an awmna hmun tura awm ngei turin sawrkar hian hma la se, sawrkar hnathawk te’n hlawh lak an phur ang hian a hna ah rinawm taka an thawh theihnan sawrkar hian hma lase kan duh takzet a ni. Lekhathiam ten kan thiamna te ram leh hnam tan kan hman let a tul tak zet a, a thei leh thiam te tan hmabak eng tak a awm reng a ni. Mizo zirlaite’n HSLC ah Top ten nihna a zavai a kan hauh theih hun a nghahhlehawm hle, chuvangin zirlai ten kan zirna leh kan nunah cho na kan hmachhawn mek a ni” a ti.

He hun hlawhtlin theihna tur hian sum leh pai leh thildanng tum tu te chu:-
Zalen (Leading Sunday News Paper ), Mosia Agency Chanmari, LH. Thanga Enterprise, Ramhlun ‘N’, T&T Motors Parts Bara Bazar, Beraw Press & Paper Works Dawrpui Saron Road, LD Store Dawrpui, Pu C.Lallianchhunga Asst. Professior MZU Department of Pol. Science, Trade Centre Chanmary, M.D. Enterprise Khatla, Moses Lamination Khatla, Khaia & Sons Vaivakawn, KT Enterptise Khatla, JP Offset Tuikhuahtlang, Pi Zohmingi Ralte Upper Republic, Davids Kitchen leh Zozam Weekly, Diktawn Monthly, Students’ Outlook ten kum khat chhung atan Free Subscription chawimawi te tan hian an pe dawn a ni.

He hun min hmanpuitu NGO a kan thawhpui te leh mi sawm bik leh School hrang hrang lo tel te chungah MZP chuan thinlung takin lawmthu a sawi a ni.



Sd/-
(PETER CHHANGTE)
Secretary i/c Publicity

MZP Press release 7th April, 2010

MZP General Headquarters chuan kum danga a lo tih tawh thin angin kum 2010-pawl sawm result chhuaka Top ten-a Mizo tlingte chawimawina ni 8th April,2010 chawhma dar 11:00 AM hian Vanapa Hall Aizawl ah a nei dawn a ni.

He hunah hian Pu Lalsawta, Education Minister chu khuallian niin Pu K. Riachho, Secretary School Education Gov’t of Mizoram chu khualzahawm a ni dawn a. Top ten-a tling Mizote hi chawimawina chi hrang hrang thuziak mawihnai tak leh thilpek chi hrang hrang hlan an ni ang. Heng chawimawite thilpek hlan tur hian tlawmngai pawl CYMA, MHIP leh MJA atangin he hun hi an hmanpui dawn bawk a ni. Tin, he hunah hian zirlaite’n an zirzelna tura tangkai tur Career Guidance programme hman tel a ni dawn a, Mizoram Coaching Academy atangin he hun hi hman a ni ang.

He hun a tel tur hian MZP chuan mi zawng zawng a sawm a ni.








Sd/-
(H.LALREMSIAMA)
Secretary

MZP Press Release 3rd April 2010

MZP chuan Mizoram Sawrkarin kumthar a hman mekah kumhlui pawisa hmanral hman loh, kir leh tur Vaibelchhe 62 zet a ni chu pawi a tiin a dem tak zet zet a ni. Hetiang zeta tam kir leh ngai pawisa hi State kan nih hnua a tam ber tum anih avangin he thil thleng chungchangah hian Sawrkar sum leh pai enkawltu Sawrkar hnathawkte inthlahdah vangah MZP chuan a ngaiin, hetiang thil hi thleng nawn tawh lo se a duh tak zet a ni.


He sum min petu Central lama thawn let tur hi Mizoram hmasawnna tur tam tak, thingtlang mipuite harsatna phuhrukna tur te, Sawrkar hnathawk ve lo te zar zo tur niin mipuite hamthatna tur liau liau ‘Plan’ pawisa a ni. Mipui pawisa enkawl leh hmanral kawngah Mizoram a Sawrkar hnathawkte chu mipuite chhiahhlawh annih anga an tih tur thahnem ngai taka thawk turah MZP chuan a ngai a, heti zat teh meuh sum hmanloha kir tur a awm hian a lu ber Chief Secretary atanga a hnuai lam thlenga an mawhphurhna an hlen tawk loh zia a tilang chiang hle ah MZP chuan a ngai a ni.

Sawrkar hi mipui Sawrkar, mipui siam leh mipui ta a nih angin mipuite chanvo heti zat a pil bo tur hi MZP chuan a dem tak zet a. Sawrkar hnathawk ten an ‘Service’ leh hamthatna dang um a an hun an hmanhlelh ang huin an thawh chhan mipuite hamthatna turah ngaihtuahna leh tha leh tui an sen tawk loh zia pawh he thil thleng hian a ti lang chiang hleah a ngai a ni.


He thil thleng chungchangah Chief Minister- in thil awmzia chhuichiang a a mawhphurtu chunga hremna pek a nih tur thu a sawi angin mipuite hlamchhiahtu chunga hremna pek ngei chu Mizoram Sawrkarna chelhtu mawhphurhna ah MZP chuan a ngai tlat a. Chutihrualin Sawrkar hnathawk zawng zawngte enkawltu an nih angin anmahni kaihhruai leh hnathawk tura buatsaih kawngah nasa zawka tan la turin Mizoram a Sawrkarna chelh mektu Ministry chu thinlung takin MZP chuan a ngen tak meuh a ni.








Sd/-
(H.LALREMSIAMA)
Secretary

MZP Press Release 30th March 2010

Vawiin ni 30th March 2010 hian MZP chuan Pisa puiah Executive Meeting neih a ni a. Meeting hi Pu VL Krosshnehzova President in a kaihruaia, he hunah hian hruaitu te hmun hrang hranga an zin reports leh pawl hmalakna hrang hrang reports ngaihthlak a ni a.

Meeting chuan kum danga lo tih thin tawh angin HSLC 2010 exam a Top ten-a Mizo tlingte chawimawina hun hman leh nise a ti a. A hun atan dt.8th.April.2010 ruat a ni. A hmun atan Vanapa Hall a ni ang. Tin, he hun min hmanpui tur hian khuallian ah Pu Lalsawta, Education Minister, Khual zahawmah Pu K.Riacho Secretary Education beisei an ni.

Top ten-a Mizo tlingte hi 1-na, Rs. 10,000/- 2-na Rs 7,000/- 3-na Rs.5,000 leh midangte Rs.2,000/- theuh hlan tur an ni ang a. Tin, heng bakah hian chawimawina certificate, Zofest 2009 Souvenir CHIBAI, Zoram Map, MZP calendar 2010 leh MZP chachinbu hlan tel an ni ang.

Chawimawite hlan tur tangkafai leh thildangte hi mi thilphalte hnen atang a dap khawm a ni leh dawn a, mi inpete inpekna MZP chuan engtiklai pawhin a dawng thei reng a ni.

Tin, North East State te tana Time Zone hran neih chungchanga Seminar dt.8.4.2010 neih tum chu remchan zawkna avangin a hun sawn hlat a ni.

Meeting-ah hian NGO’s-a kan thawhpui Pu C.Zoramliana Vice President Central YMA dt.27.3.2010 a boral ta sunna hun urhsun taka hman a ni bawk.





Sd/-
(Peter Chhangte)
Secy. i/c. Publicity

MZP Press Release 25th March 2010

North Eastern Student’s Organisation (NESO) chuan meeting kovin dt.26.3.10 hian Guwahati-ah an thukhawm dawn a. Hetah hian North East State hrang hrang a zirlai hruaitute kalkhawm in Mizoram atang pawhin MZP hruaitu Pute: S.Lalrinawma Vice President, Lalsangzuala Ngente Asst.General Secretary, Lalhmachhuana Treasurer, Lalmuanpuia Punte Vice Chairman NESO, leh James Thanghmingmawia Council Member NESO te an kal a ni. He meeting-ah hian North East mipui te harsatna hrang hrang leh North East zirlaite hamthatna tur hrang hrang an sawiho ang.

Meeting a an kalpah hian MZP hruaitute hian ni 24.3.2010 zan hian Silchar-ah All Cachar-Karimganj Hailakandi Students Association (ACKHSA) hruaitute nen inkhawmin Mizoram leh a thenawm Assam inrina hnaivaia chengte inkara boruak thalo awm thin chungchang leh chumi avanga harsatna a thlen thin chungchangte inpawh taka sawiho a ni a. Hun lo kal leh zel turah hetiang thil a awm tawh lohna tura hmalakho tha an tih thute, boruak sosang tur venthawn kawngah thahnem ngai leh inpawh tawn taka hmalak zel tha an tih thu an sawiho a ni.

MZP ngenna angin ACKHSA hruaitute hian Mizo zirlaite’n suam leh rawk an tawh thin ti bo tura theihtawp chhuaha hmalak an tum thu an sawi a. Tin, zinmi harsatna tawkte pawh puih an in huam reng thu MZP hruaitute hi an hrilh bawk a ni.

Tin, thilthleng engemaw hlek denchhen a, Mizote harsatna tur zawnga kawng dan chah, bandh etc. a awm reng thin chungchang pawh MZP hruaitute hian sawi langin hetiang thil in harsatna mipuite tan a thlen thin avangin hetiang buatsaih a nih kawngah pawh harsatna awmthei sutkian nana thawhhona tha tak neih zel an duh thu an sawi bawk.


Sd/-
(H. LALREMRSIAMA)
General Secretary