Mizoram Youth Commission (MYC) leh Institute of Technology and Future Management Trends (ITFT) Chandigarh in a thlawn a Degree course ITFT Chandigarh-a zirtur anga zirlai 101 tirh a tum chungchang chu MZP chuan ngun taka chhui chiangin, Chandigarh leh Ministry of Tribal Affairs, New Delhi-ah te kalin a zawtfiah a, hetiang hi MZP ngaihdan a ni.
MYC leh ITFT tangkawp hian senso pakhat mah ngai lovin Ministry of Tribal Affairs hnuaia Post Matric Tribal Scholarship Scheme atanga senso hi tumsak tur a nih thu sawiin Dt. 18/8/10 khan Chanmari Hall-ah a hawnna neih a ni a. Hemi tuk atangin a zirtur thlanna Interview pawh tan nghal a ni. Interview zawng zawng atangin mi 101 chu thlan an ni a, heng mite hi Dt 17.9.2010 ah ITFT Chandigarh ah thleng vek tura hriattir an ni. Chandigarh thlenna tur pawh hi Labour & Employment Department atanga tumsak tur ni a sawi a ni a. Amaherawhchu, zirlai kal thla turte hi anmahni a kalna inngaihtuah tura tih anni lawi si, thenkhat phei chuan Mizoram an chhuahsan tawh nia hriat a ni.
ITFT Chandigarh hian kum 2003 khan Aizawl-ah Mizo thalai 500 chuang thla thum training pe in hna hmuhsak a tiam a, New Delhi, Mumbai leh India ram khawpui hrang hrangah heng thalaite hi hruai thlak an ni a. Nimahsela, heng an hruai thlakte hi Aizawl lama an sawi ang nilovin, “Engmah harsatna in tawk lovang” an tih chu harsatna an tawk ta hlawm a. Placement an hmuhnaah pawh chuan zawm rei thei lovin Gulshan Sharma, ITFT Executive Director chuan restaurant leh hotel eng eng emaw ah thunluhna tur a zawng leh a. Mahse, heng zirlaite hian ring zo tawh lovin rilru na leh beidawngin an rawn kir leh deuh vek a ni. Gulshan Sharma’n a hruai thlakte hi New Delhi Mizoram House-ah awmkhawmin ei man leh riah man pek tur pawh nei lovin khatih hunlai khan an awm a ni.
Tin, hemi hnu kum 2004 ah pawh Chandigarh hmunah thalai engemaw zat training pe lehin hna hmuhsak a intiam leh a, heng mite pawh hi beidawngin an rawn kir leh deuh vek a ni. Hetiang record nei Mizoram Youth Commission-in thurualpuia a hmang leh hi MZP chuan hlauhthawnna leh rinhlelhna a nei a. MYC thuneitute hnenah hian tunhmaa Gulshan Sharma-a thil tih dan leh fimkhur a tul thu pawh an lo thlen tawh a. Amaherawhchu, hmalakna kal pui zel anih avangin Dt. 7th & 8th September, 2010 khan ITFT Chandigarh leh Tribal Affairs Ministry ah thil chiang zawk zawtfiahin Pu V.L. Krosshnehzova, President leh Pu H.Lalremsiama, General Secretary te an kal a. Anni hian thil awmdante zawtfiahin ITFT Chandigarh-a Head Councellor chuan a hlawhtlin leh tlin loh chu Mizoram sorkar kut anih thute; ITFT chuan zirlaite an zirna tha taka lo pek leh kawng kawhhmuh bak mawhphurhna an neih loh thu in a lo chhang a ni.
Ministry of Tribal Affairs lamah pawh Joint Secretary leh Joint Director te kawmin hemi chungchang hi ITFT atanga lehkha an dawn thu leh anni chuan heng an senso zawng zawng tum theihna tur scheme a awm loh thu te, Post Matric Tribal Scholarship thlakhat a Rs. 740/- erawh Tribal an nih anga an pek theih thu MZP hruaitute hi an lo hrilh a ni. Mizoram atanga Post Matric Tribal Scholarship scheme anga he thil zir turte tana dilna ala luh loh thu an sawi bawk, Ministry of Tribal Affairs-in a scheme/guidlines bawh pelhin engmah a tih theih loh tur thu an sawi bawk.
MZP chuan hetiang anih tak avang hian ITFT Chandigarh-a kal tur mi 101 te chungchang hi ngun taka ngaihtuah nawn leh turin Mizoram Sorkar a ngen tak meuh meuh a, hun kal tawha lo tih dik loh tawhte darthlalanga hmanga, zirlaite hmakhua thlir chunga hma la turin MZP chuan a ngen a ni. Zirnaa luh tum zirlaite pawh fimkhur tur leh ngaihtuahna fim tak hmanga hmalam huna harsatna thleng theite thlir hmasa turin a chah tak zet a ni
MYC leh ITFT tangkawp hian senso pakhat mah ngai lovin Ministry of Tribal Affairs hnuaia Post Matric Tribal Scholarship Scheme atanga senso hi tumsak tur a nih thu sawiin Dt. 18/8/10 khan Chanmari Hall-ah a hawnna neih a ni a. Hemi tuk atangin a zirtur thlanna Interview pawh tan nghal a ni. Interview zawng zawng atangin mi 101 chu thlan an ni a, heng mite hi Dt 17.9.2010 ah ITFT Chandigarh ah thleng vek tura hriattir an ni. Chandigarh thlenna tur pawh hi Labour & Employment Department atanga tumsak tur ni a sawi a ni a. Amaherawhchu, zirlai kal thla turte hi anmahni a kalna inngaihtuah tura tih anni lawi si, thenkhat phei chuan Mizoram an chhuahsan tawh nia hriat a ni.
ITFT Chandigarh hian kum 2003 khan Aizawl-ah Mizo thalai 500 chuang thla thum training pe in hna hmuhsak a tiam a, New Delhi, Mumbai leh India ram khawpui hrang hrangah heng thalaite hi hruai thlak an ni a. Nimahsela, heng an hruai thlakte hi Aizawl lama an sawi ang nilovin, “Engmah harsatna in tawk lovang” an tih chu harsatna an tawk ta hlawm a. Placement an hmuhnaah pawh chuan zawm rei thei lovin Gulshan Sharma, ITFT Executive Director chuan restaurant leh hotel eng eng emaw ah thunluhna tur a zawng leh a. Mahse, heng zirlaite hian ring zo tawh lovin rilru na leh beidawngin an rawn kir leh deuh vek a ni. Gulshan Sharma’n a hruai thlakte hi New Delhi Mizoram House-ah awmkhawmin ei man leh riah man pek tur pawh nei lovin khatih hunlai khan an awm a ni.
Tin, hemi hnu kum 2004 ah pawh Chandigarh hmunah thalai engemaw zat training pe lehin hna hmuhsak a intiam leh a, heng mite pawh hi beidawngin an rawn kir leh deuh vek a ni. Hetiang record nei Mizoram Youth Commission-in thurualpuia a hmang leh hi MZP chuan hlauhthawnna leh rinhlelhna a nei a. MYC thuneitute hnenah hian tunhmaa Gulshan Sharma-a thil tih dan leh fimkhur a tul thu pawh an lo thlen tawh a. Amaherawhchu, hmalakna kal pui zel anih avangin Dt. 7th & 8th September, 2010 khan ITFT Chandigarh leh Tribal Affairs Ministry ah thil chiang zawk zawtfiahin Pu V.L. Krosshnehzova, President leh Pu H.Lalremsiama, General Secretary te an kal a. Anni hian thil awmdante zawtfiahin ITFT Chandigarh-a Head Councellor chuan a hlawhtlin leh tlin loh chu Mizoram sorkar kut anih thute; ITFT chuan zirlaite an zirna tha taka lo pek leh kawng kawhhmuh bak mawhphurhna an neih loh thu in a lo chhang a ni.
Ministry of Tribal Affairs lamah pawh Joint Secretary leh Joint Director te kawmin hemi chungchang hi ITFT atanga lehkha an dawn thu leh anni chuan heng an senso zawng zawng tum theihna tur scheme a awm loh thu te, Post Matric Tribal Scholarship thlakhat a Rs. 740/- erawh Tribal an nih anga an pek theih thu MZP hruaitute hi an lo hrilh a ni. Mizoram atanga Post Matric Tribal Scholarship scheme anga he thil zir turte tana dilna ala luh loh thu an sawi bawk, Ministry of Tribal Affairs-in a scheme/guidlines bawh pelhin engmah a tih theih loh tur thu an sawi bawk.
MZP chuan hetiang anih tak avang hian ITFT Chandigarh-a kal tur mi 101 te chungchang hi ngun taka ngaihtuah nawn leh turin Mizoram Sorkar a ngen tak meuh meuh a, hun kal tawha lo tih dik loh tawhte darthlalanga hmanga, zirlaite hmakhua thlir chunga hma la turin MZP chuan a ngen a ni. Zirnaa luh tum zirlaite pawh fimkhur tur leh ngaihtuahna fim tak hmanga hmalam huna harsatna thleng theite thlir hmasa turin a chah tak zet a ni
Issued by MZP General Headquarters Mizoram Aizawl
No comments:
Post a Comment