Vawiin September ni 7, 2010 (Thawhlehni) a Mizo nula Vanlalremruati k-21 d/o Lallianmawia, Ramthar Veng Sihpui a cheng, Women Polytechnic a BCC II Sem zirlai, hnam dang (vai) D.J. Kalita, Guwahati, tuna Rajdoot Hotel a thleng mekin thah ngei tum nia ngaih theiha thisen chhuak khawpa kut a thlak hi MZP chuan a demin thinurthlak a ti takzet a ni. Aizawl khawpui chhung leh hmun hrang hranga vaite an zalen ta lutuk leh kan khawpui chhung ngeia thisen chhuak khawpa Mizo nulate kut an thlak ngam ta mai hi engti kawng zawng mahin MZP chuan a hrethiam lo a ni.
DJ Kalitai’n chemtea Vanlalremruati nghawnga a vit lai hmu a, a bula lo awm hnai mi thenkhatten an chhan hnu pawha vih hlum tum ni ngeia tha a thlah duh miah lo phei hi chu DJ Kalita hian tualthah a tum ngei niah MZP chuan a ngai a. Mizo nula leh kan zirlaipui chunga nunrawng taka che DJ Kalita hi a na thei ang bera hrem turin MZP chuan thuneitute a ngen a. Ani hi Mizorama cheng leh hnathawk tlakah MZP chuan a ngai lo a ni.
He kut inthlakna an hriat veleh a Mizoram police in hma an la nghal chu lawmawm a ti a. Misual man leh hremna lek chungchangah dan leh thupek kengkawhtuten an tihtur dik tak an ti niin a hria a ni.
Hetih lai hian misual pakhat thiltih avang hian chi leh chi inkara buaina a chhuah theih avangin dan leh thupek kengkawhtuten fimkhur tak leh Mizo mipuite rilru tina lo zawnga hma la turin MZP chuan thuneitute a ngen takzet a ni.
Sd/-
(Peter Chhangte)
Secretary i/c. Publicity
DJ Kalitai’n chemtea Vanlalremruati nghawnga a vit lai hmu a, a bula lo awm hnai mi thenkhatten an chhan hnu pawha vih hlum tum ni ngeia tha a thlah duh miah lo phei hi chu DJ Kalita hian tualthah a tum ngei niah MZP chuan a ngai a. Mizo nula leh kan zirlaipui chunga nunrawng taka che DJ Kalita hi a na thei ang bera hrem turin MZP chuan thuneitute a ngen a. Ani hi Mizorama cheng leh hnathawk tlakah MZP chuan a ngai lo a ni.
He kut inthlakna an hriat veleh a Mizoram police in hma an la nghal chu lawmawm a ti a. Misual man leh hremna lek chungchangah dan leh thupek kengkawhtuten an tihtur dik tak an ti niin a hria a ni.
Hetih lai hian misual pakhat thiltih avang hian chi leh chi inkara buaina a chhuah theih avangin dan leh thupek kengkawhtuten fimkhur tak leh Mizo mipuite rilru tina lo zawnga hma la turin MZP chuan thuneitute a ngen takzet a ni.
Sd/-
(Peter Chhangte)
Secretary i/c. Publicity
No comments:
Post a Comment