MZP Press Release 25th August, 2010

MZP chuan tun hnaia sorkar hnathawk pension tawh rawih nawn tam ta lutuk chu ngun taka a thlira ngaituahin thangthar te hmakhua ngaih tawk lohna ah a ngai a. He thil ah hian thangthar zawk te hmakhua ngaia sorkar pawh inenfiah turin MZP chuan a phut a ni. Sorkar hnathawk pension tawh te pawh mahni hmasial mai lova thangthar te hmakhua ngaihtuah a rawih nawn dil fo tawhlo turin leh zah ah la ngam turin MZP chuan a ngen nghal bawk.

Tin, sorkar’in eiruk tih rem kawnga hma a lak chungchangah mi thenkhat suspend nghal an nih laia mi thenkhat te erawh an diklohna hmuh ni tawh si, court- ah hian pawh anticipatory bail dil tawh suspend mai lova tun thlenga an la awm chu MZP chuan tha a ti lova, thlei bik leh thlavang hauhsak bik niawm taka sorkar hetia a lang hi MZP chuan thlei bik nei lova huaisen taka rorel ngam turin Mizoram sorkar a ngen nghal bawk a ni.

(PETER CHHANGTE)
Secy. i/c Publicity

MZP Press Release 23th August, 2010

MZP General Headquarters hruaitute chuan vawiin dt. 23rd August 2010 chawhnu dar khat khan President Pu VL Krosshnehzova hovin Mizoram University Vice Chancellor chu a Office ah kawmin University result chuangchang leh zirna kaihhnawih hrang hrang pawimawh te an sawipui a ni.

MZU chuan Three Years Degree Course exam result leh re-evaluation result chhuak har lutuk thin leh result tihsual tam lutuk hian zirlaite tan harsatna tam tak a thlen a, zirna sang zawk leh hmun danga zirna chhun zawm turte tan hun tam tak khawhralna leh buaina thlen thintu a nih thu leh Result Re-evaluation tih nan a zirlaite’n fee an chawi thin hi a tam hle a hei hian zirlai harsate tan phurrit tam tak a thlen thin a ni an ti. Exam result a lo chhuah hian thil fello leh diklo tam tak a awm thin a, Rank holder ni lo zawk rank holder a tihchhuah te a awm thin thu zirlaite mark tih dik loh tam tak a awm thin thu an thlen a, Vice Chancellor chuan he thil hi pawi a tih thu leh a ranglama siamthat anih thu MZP hruaitute hi a lo hrilh a, he thil thleng chungchangah hian departmental enquiry lak mek anih thu leh a tul dan anga hremna pawh kalpui tur anih thu a sawi bawk. Tin,. examination cell pawh a tul dan anga staff chakna pawh thuam that a nih tur thu a sawi bawk a ni.

Zirlai naupang pung chho zelah Mizoram University pawh Zofate tan a nih anga seat tam zawk a awm theihnana hmala turin MZP chuan a thlen bawk a, Vice Chancellor pawhin seat tam zawk a awm theihna turin hmalak anih tur thu hruaitue hi alo hrilh a ni. Mizoram University Sports lo awm turah pawh buaina leh harsatna a thlenlohna tur leh changtlung taka zirlaiten an hman theihna turin MZP hruaitute chuan rawtna an thlen a, Vice Chancellor chuan hlawhtling tak leh zirlaiten an hlawkpui theihna tura hma lak a nih tur thu a sawi bawk a ni.


(PETER CHHANGTE)
Secy. i/c Publicity

MZP Press Release 21st August, 2010

MZP chuan vawiin Dt 21.08.2010 hian Ministry of Home Affairs in Indo-Tibetan Border Police Force (Constable/General Duty) hna lak tur Advertisement-a chhuah ah India ram a State dang zawng zawng leh U.T te’n Quota an neih vek laia Mizoram in kan nei loh mai piah lama Mizoram tarlan loh a nih chungchanga lungawilohna lantirnan Advertisement halna hun chu MZP Office chungzawlah hman a ni a, he hun hi Pu S.Lalrinawma Vice President chuan a kaihruai a, Pu VL Krosshnehzova President chuan thusawina hun hmangin “India sorkar hian Mizoram hi a thlauhthla ta em ni? India sorkarin min thlauhthlak zia chu he hna lak tur hian a lantir chiang hle a ni. India state hrang hrang leh UT te pawn quota an neih vek laia Mizoram thlauhthlak kan ni hi Mizo thalaite rilru a ti na tak zet a ni, Mizo thalaite kan fit ve na leh kan tlin tawkna ah pawh India sorkar hian bang min pin san ta em ni? India hian a ramah Mizoram hi min chhiar ve ta lo em ni? Tuna a thil tih ah hian inthiamlohna a neiha advertisement hi a siam tha a, ngaihdam a dillo a nih chuan Mizo thalaite hian India hi kan endan a dan a tul ang. India sorkar hian Mizote hi a duh ang anga a sawisak theih a ni lo tih hre rawh se! Hetianga India-in Mizote a enreng a nih chuan Mizoram buai laia min chhawmdawltu Pakistan lam hawi mai pawh a la tulin a rinawm! India lawnglian ah hian kan leng velo a nih chuan kan lenna tur lawng kan zawn ve a tul ang!” a ti a ni.

Dt 27th July 2010 khan MZP chuan he Advertisement hi siamthat a nih a, dilna thehluh hun hnuhnung ralhma ngeia Mizote tan dil ve theih tura siamthat a nih na tura hma la turin Mizoram Governor Lt. Gen. (Rtd) MM Lakhera hnenah lehkha a lo thehlut tawh a, Home Minister, Mizoram hnenah a copy pek a ni bawk. Dt 19th August 2010-ah President of India hnenah he thil chungchangah hian dilna theluh hun hnuhnung ralhma ngeia h e advertisement hi siamthaa hma la turin MZP chuan ngenna a thlen a, Minister of Home Affairs, Government of India, Member of Parliament, Mizoram (Lok Sabha), Member of Parliament, Mizoram (Rajya Sabha), DIG (Pers-2 & Rectt), Directorate General, Indo-Tibetan Police Force te hnenah a copy pek a ni bawk a ni.

He advertisement Dt 26.7.2010 a chhuakah hian hnaruak zawng zawng hi 850 niin Schedule Caste tan 130, Schedule Tribe tan 83, OBC tan 178 niin General tan 459 a ni. Dilna thehluh hun hnuhnung chu state thenkhat tan Dt22.9.2010 niin thenkhat tan 29.9.2010 a ni.

He advertisement-a state zawng zawng leh UT te nen lamin Quota-an neih laia Mizoram tarlang lova hmaih a ni chu Mizote hmuhsitnaah ngaiin MZP chuan a demzia lantir nan he advertisement hi vawiin ni hian halralna hun a hmang a ni.

UCO Bank-a clerk hna 1000 lak turah pawh Mizoram tan reservation post 2 pek a ni a. Amaherawhchu, he post hi Mizote tana dil ve theih loh turin Mizoram-a awm miah lo OBC quota tan hauhsak a ni thung a ni. UCO Bank-a hna lak turah hian Mizote kan luh ve theihna tura quota siamsak kan nih ngei hi MZP chuan a phut tak zet a ni.


(H.LALREMSIAMA)
General Secretary

MZP Press Release 20th August, 2010

1. An mahni duhthu ngeia Mizoram chhuahsantu Tuikukte’n Mizoram a lo lut leh tura an mahni inchhiar dan chu MZP chuan lungawi har a tiin, pawm theih niin a hre lo.

Tuikukte hi July 2010 ah chhungkaw 5180 ah mi 27261 niin an inchhiar a, mahse, hei hi a dik tawk lo ni a an hriat avangin August 2010 ah inchhiar nawn lehin mi 31700 ah an pung chho leh ta a. Thlakhat pawh tling lo a mi 4439 laia an inchhiar pung thei mai hi MZP chuan mak a tiin, pawm theih niin a hre lova, Tripura sawrkarin Tuikuk te hi 40504 ni a a sawi bawk avangin an mahni an inchhiar dan hi belhchhian dawllo takah a ngaia, thudik tawklo mipuite hriata puangzar thin ah MZP chuan a ngai a ni.

Heng Tuikukte lak let dan turah NGO leh Political party zawng zawngte nena lo pawm tlan tawh E-Roll 1995 behchhana mi dik leh dik lo thliar chu MZP dinna nghet tak a la a ni a. Hetianga Tuikuk te’n finrawl chhuaha an duh thala an inchhiar pung vak vak dawn a nih chuan Mizoram atanga Tuikuk tlanchhuak hi zat dik tak hre turin “ Tuikuk chhiarpui” neih ve mai a tul dawn niin MZP chuan a hria a ni.

2. Ministry of Home Affairs hnuaia Indo- Tibetan Border Police Force (Constable/General Duty) lak tura India ram State dang zawng zawng leh U.T. te Qouta pek an nih laia Mizoram Seat khat mah pek a ni lo chu MZP chuan inthlauh thlakna lian takah ngaiin Central Sawrkar thiltih dan chu demin, he Advertisement hi Dt.20.8. 2010 (1:00 PM) hian MZP Pisapui ah a halral dawn a ni.


(Peter Chhangte)
Secretary i/c. Publicity

Notification for Recruitment of Constable in Indo-Tibetan Police Force

No.M-93/MZP-GHQ/2009-11/27 Dated Aizawl the 19th August, 2010

To,

The President of India


Subject : Notification for Recruitment of Constable in Indo-Tibetan Police Force

Madam,

With due respect, we would like to draw your kind attention with regard to advertisement for recruitment of Constable (General Duty) Group 'C' Indo-Tibetan Border Police Force bearing DAVP No 19112/11/0105/1011.

For your kind reference, Mizo Zirlai Pawl (MZP) is the umbrella students organisation of Mizo ethnic group representing the students and younger generation of Mizo living in and outside Mizoram.

That Madam, in the advertisement for recruitment of Indo-Tibetan Police Force all the states and Union Territories in India, except Mizoram are allotted quota. We are shocked by this exclusion.

In the opinion of MZP, if Mizoram is considered as part of Indian territory there should not be such discrimination and exclusion; and the government of India should clarify its position in this regard with an acceptable urgency.

MZP also decided to burn the said advertisement in protest of violations of the rights of the people of Mizoram unless clarification or rectification is made by the government of India before the last date for submission of application for the said recruiment.


With regards,


Sd/-
(H. LALREMSIAMA)
General Secretary

Copy to:
1. Minister of Home Affairs, Government of India.
2. Member of Parliament, Mizoram (Lok Sabha)
3. Member of Parliament, Mizoram (Rajya Sabha)
4. DIG (Pers-2 & Rectt), Directorate General, Indo-Tibetan Police Force.
5. Guard File.


Sd/-
(H. LALREMSIAMA)
General Secretary

MZP Press Release 18th August 2010

MZP chuan Ministry of Home Affairs in Indo-Tibetan Border Police Force (Constable/General Duty) hna lak tur Advertisement-a chhuah ah India ram a State dang zawng zawng leh U.T te’n Quota an neih vek laia Mizoram in kan nei lo chu pawi a ti-in, heihi Central sorkarin Mizoram min thlauhthlak bik zia a lantirnaah ngaiin, India rama state a tih zingah Ministry of Home Affairs hian Mizoram chu a paih ta em ni tih hi MZP zawhna a ni.

He advertisement Dt 26.7.2010 a chhuakah hian hnaruak zawng zawng hi 850 niin Schedule Caste tan 130, Schedule Tribe tan 83, OBC tan 178 niin General tan 459 a ni. Dilna thehluh hun hnuhnung chu state thenkhat tan Dt22.9.2010 niin thenkhat tan 29.9.2010 a ni.


Hemi chungchangah hian MZP chuan he Advertisement hi siamthat a nih a, dilna thehluh hun hnuhnung ralhma ngeia Mizote tan dil ve theih tura siamthat a nih na tura hma la turin Mizoram Governor hnenah 27th July 2010 khan ngenna a thlen a, vawin thlengin a hlawhtlinna hmel hmuh ala nilo hi MZP ngenna a ngaihthah hle ah MZP chuan a ngai a ni.

President of India hnenah he thil chungchangah hian dilna theluh hun hnuhnung ralhma ngeia he advertisement hi siamthaa hma la turin MZP chuan ngenna a thlen dawn a, Union Home Minister hnenah pawh hma la turin a thlen dawn bawk. He advertisement-a state zawng zawng leh UT te nen lamin Quota-an neih laia Mizoram hmaih a ni chu Mizote hmuhsitnaah ngaiin MZP chuan a demzia lantir nan he advertisement hi a halral dawn bawk a ni.


(LALSANGZUALA NGENTE)
Asst. General Secretary

Manipur MZP Annual Conference held

Lamka, Aug 15, 2010: Mizo Zirlai Pawl (MZP) HQ Manipur held its “37th Annual Conference-cum-Meritorious Award Distribution” on August 13, 2010 at Synod Hall, IB Road, Lamka. MDC Chairman Langkhanpau Guite graced the function as chief guest. B. Zodingliana, MDC as the Special Guest and VL Kroshnehzova, President, MZP Gen HQ (Aizawl) observed the function as Functional President. Meritorious Award was distributed to 42 first divisions & ablove from class X, XII, Graduate & PG. Ms Thari Sitkil, IRS; Elizabeth Lianthangkimi, BA(Gen) Topper Manipur; V.Zathang, IPS, ADGP and Haokholal Thangjom, Adviser, MZP (M) were awarded an Outstanding Award of the student body.

Chief Guest Langkhanpau Guite expressed his gratitude to MZP GHQ Mizoram for stretching their helping hands while Manipur was facing shortage of all commodities due to economic blockade imposed by the Naga people.

The congregation elected Mr Lalawmpuia to be the President, MZP (M) GHQ for the term 2010-12, P. Gouminlian was elected as the Vice President and Thangtinthuom for the Treasurer post.

Source : zolengthe.net

MZP Press Release 17th August 2010

Vawiin dt. 17.8.2010 chawhma dar 11:00 khan MZP General Headquarters, Executive meeting chu MZP Pisapui-ah neih a ni a. Pu VL.Krosshnehzova, President-in meeting hi a kai hruai a. Pu T.J.Lalnuntluanga, Legal Adviser in tawngtaina hun a hmang.

Meeting-ah hian reports hrang hrang leh MZP hmalaknate ngaihthlak a ni.

Meeting chuan MZU hnuaia U.G result 2010 felfai lo taka a chhuak chu pawi a ti hle a, hemi chungchang a thawktute in thlahdah vangah ngaiin thuneitute a dem tak zet a. Mahni result a lungawi lo te’n result ennawn leh tura ngenna ( Re-evaluation ) an thlen result chhuak har lutuk chu tha a ti lovin, heng zirlaite kal leh zelna a tan a harsatna a thlen loh nan a rang thei ang ber a tih chhuah a nih theih nan theih tawp chhuah a hma la nghal turin thawktute a ngen a. Tin, Zirlaite’n exam result chungchanga sawiselna an neih leh harsatna hrang hrang an tawh thin te chinfel thuai a nih theih nan tunhnu ah chuan dan felfai tak (Ordinance) nei turin a ngen nghal bawk a ni. Result chungchanga harsatna nei te’n an thlen resut chhuak har thin lutuk chu University thuneitute leh Mizoram sawrkar -Higher & Technical Department te thawhho na that tawk loh vang ah meeting chuan angai a, hemi chungchang ah hian Higher & Technical Department chu inenfiaha MIzo zirlaite harsatna ngai pawimawh turin a ngen nghal bawk a ni.

Lengpui Airport a, Ground Handling Agent lak tur chungchang chu meeting chuan ngun takin a ngaihtuah a. Hemi chungchanga hma lo lak tawhna leh Chief Minister hnena thlen a nih tawh angin, he hna hi ram leilung fate ngei in an thawh theih nan hmalak chhunzawm zel nise meeting chuan a ti a, he hna thawk tura India Airlines in a thlan chhin Company chu Dan awmsa hrang hrang palzut a khawsaah a ngaih theih a, Mizoram chhunga sumdawn phalna pawh neilo an nih avangin he hna hi chelh tlakah MZP chuan a ngai lova. Hemi chungchangah hian Indian Airlines thawktute chu ngaihtuahna seng nawn a, Mizoram leh hnam tana tha tura MZP in ngaihtuahna a sen chu ngai pawimawh hram turin a ngen a ni.


(PETER CHHANGTE)
Secretary i/c Publicity

MZP Press Release 10th August 2010

MZP chuan kum 2010 technical entrance exam beitu te tana tunhnaia buaina thleng chu pawi a tiin, seat alloment hmuh tlai vang ah a ngai a. Hetiang buaina hi thleng tawhlo tur leh zirlaite ti chi ai zawnga thuneitute awm tawhlo turin leh a ranglam a allotment hi hmuh a nih vat theih nan hmala thin tawh turin thuneitute MZP chuan a ngen tak meuh a ni.

Mimal seat dap chhuah hmanga hmuh belh chungchang ah thuneituten heti taka zirlai naupangte rilru an ti chi ai hi MZP chuan thalo a ti hle a, hetiang thil hi thleng nawn tawhlo turin leh mimal tana dilna siam sak tawhlo tur leh ngaihtuahna fim taka dan te zirchiang zawka thil kalpui tawh turin MZP chuan thuneitute a ngen a. Tin, mimal dap chhuah atanga seat hmuh theih a nih lai a Mizoram tana seat a kiam zawnga a kal thin hi MZP chuan thuneitute inthlahdah vang leh thahnem ngaihlohna vang niin a hria a. Mizoram quota hi hmuh belh a nih theihna tura ngaituahna senga hmala tawh turin MZP chuan thuneitute a ngen nghal bawk a ni.

Tin, allotment thar hmanga zirlai kal tur te thahnemngai taka bei tur leh hlawhtlinna hmu ngei turin duhsakna MZP chuan a hlan nghal bawk a ni.


(LALSANGZUALA NGENTE)
Asst. General Secretary,

MZP Press Release 5th August 2010

Vawiin Dt 5th August, 2010 chawhnu dar 2:00 PM khan MZP hruaitu te chuan Vice President Pu S.Lalrinawma hovin Chief Minister an hmu a, Zirlai leh ram leh hnam tana thil pawimawh te sawi puiin ziakin an thehlut nghal bawk.

MZP chuan MBBS zirtur tan harsa tak chunga seat a hmuh belhsak chungchangah lawmthu an sawi a. Chutihrualin Mizoram sorkar chu India ram hmun hrang hranga Institution tha tak hmu belh sak zel turin leh zirlaite tan a tun aia nasa zawka hma laksak turin an ngen nghal bawk a ni.

Christian Medical College-a seat hmuh belh a nih chungchang chu MZP hruaitute chuan zawtfiah in dt.7.5.2010 khan Carolyne J. Lalhruaitluangi tan a dil sak thu leh hemi atana rawn pe an nih thu te, tunah hian midang zuk dah (allot) institution thuneitu te’n an pawm a rin loh thu a sawi. Kum danga seat kan neih thinna Maulana Azad Medical College-a seat kan nei ta lo chu MZP chuan zawtfiah in seat neih let leh a nih theih nan hian nimin khan Central Health Minister hnenah ziaka a thlen thu CM hian a sawi a. Vawiin lama meeting an neih avanga biaktlang theih an nih loh thu MZP hruaitute hi a lo hrilh a, theihtawpa he seat neih let leh a nih theih nana a hma lak a tum thu a sawi bawk a ni. Institution thenkhatah chuan zirna hi tan a ni tawhin hei hi zirlai tamtak pawhin hriain an rilru a mangang em em a nikhat lek pawh an tan ni rei a nih tawh thu C.M hnenah hian sawiin seat allotment tihfel har a nih avanga zirlai tamtakin an tawrh na chu MZP chuan pawi a ti in C.M hnenah hian arang thei ang ber a chingfel turin a ngen a C.M hian a bawhzui mek thu leh chinfel thuai a nih a rin thu a sawi a. Heng bak ah hian Riims-a Mizoram State quota sawm (10) ni thin pasarih(7)- a tih hniam pawh a ngai anga neih leh a nih theih nan hma a lak mek thu a sawi bawk.

Pawnlam mi pawhin seat ruak an mahni bil a an hai chhuah theih lai a, neih belh a hneka kan chan zel mai hi pawi a tiin department enkawltute tan tan lak tulna lai niin MZP chuan a ngai a. Hetiang tur hian H&TE department changtu leh thawktute chu zirlaite tan a tun aia thahnemngai leh zual a hma la turin MZP chuan a ngen a. Tin, zirlai tangkhangte’n an zirna hmun tur dik tak ah an zawm thuai theih nan harsatna awmte chingfel thui turin MZP chuan thuneitute a ngen bawk a ni

Lengpui Airport-a Ground Handling Agent lak turah hnamdang lak tumna a awm niin MZP chuan a hria a, ram leilung fa Mizo lak a nih theih nan Chief Minister hnenah hian an thlen nghal bawk. Tin, Central leh All India Service inbuatsaihna atan Coaching Centre changtlung tak Mizoram sorkar hnuaia din a nih theih nan rawtna an thlen bawk. Hetiang lam zir tur tana New Delhi-ah zirlaite tan Hostel ngaihtuahsak turin ngenna an thlen bawk a, heng an thil thlen te hi C.M chuan lo enzui a tum thu MZP hruaitute hi a lo hrilh a ni.

Kumin MZP Assembly leh Platinum Jubilee hmanna tur Zawlnuam, Mamit District-ah Tui, Electric leh Kawngpui ah te mipui tan harsatna a thlen lohna tura hmala turin Chief Minister hnenah hian ngenna thlen an thlen bawk in CM hian lo bawhzui a tum thu a sawi bawk.

(LALSANGZUALA NGENTE)
Asst. General Secretary

MZP Press Release 3th August 2010

Vawiin Dt 3rd August 2010 hian MZP Platinum Jubilee (Kum 75) lawmna pualin Khatla YMA Hall-ah MZP General Headquarters bultumin a mamawh a piangte hman turin thisen pekna hun hman a ni a, he hunah hian MZP General Hqrs Executive Commitee member, Hnampual, College zirlai ten an pe a ni.


He hun hi Pu Lalrinliana Sailo, Health Minister leh zirlai hruaitu hlui ni bawk chuan a hmanpui a. MZP ten hetiang programme buatsaih nachang an hria hi lawmawm a tih thu sawiin "Zirlai hruaitu ka lo ni ve tawh a, MZP hian kan hnam mualpho lohna tur leh kan ram leh hnam mawina turin theihtawp a chhuah thin a. Tuna thisen pek runpui in nei hi lawmawm ka ti hle a ni. Thisen hi lei mai theih a nilova, hmangaihna avanga midang te tana inpekna a ni a, vawina thisen petu te zawng zawng chungah lawmthu ka sawi a ni" tiin MZP Platinum Jubilee lawmna puala thisen pekna hmuna inkhawm tawi neihah a sawi. Health Minister hian thisen pe thin tlawmngai pawl hrang hrang te chungah lawmthu a sawi bawk. Minsiter hi MSACS Dy Director Dr. Sangthuama Ngente leh Party hruaitu thenkhat ten an a tawiawm bawk a ni. Thisen hi Civil Hospital Blood Bank a thawk ten a hmuna kalin an lak sak a ni.

MZP Platinum Jubilee lawmna puala thisen petu zawng zawngte chungah MZP chuan thinlung takin lawmthu a sawi a ni.

(PETER CHHANGTE)
Secretary i/c Publicity

MZP Press Release 30th July 2010

MZP chuan Mizoram quota-a Technical course 2010 (MBBS, BE etc) zir turte’n allotment chungchangah harsatna an tawh mek chu a hriatin pawi a ti hle a, Central Pool atanga tun thlenga allotment la chhuak lo hi ti chhuak thuai turin MZP chuan central sorkar a ngen a takzet a. Zirlaiten a hun takah admission an tih theih nan Mizoram sorkar hotute pawh rang taka hma la turin a ngen takzet bawk a ni.

Allotment tun thlenga a la chhuah loh avang hian technical course zir tur zirlai leh anmahni buaipuitu nu leh pa tam tak chu tunah hian phai lamah an tangkhang mek a, course thenkhat chu tunah hian class tan tawhte pawh an awm a. Hetihlai hian Central atanga Mizoram quota allotment a la chhuah loh avangin admission tih theih a ni lova, an mangang tawh hle a ni.

Hetihrual hian seat allotment tih fel sak tawh allotment pek an nih laia zirlai leh an chhungte allotment pekna hmun chanchin hrilhfiah an nih tawk loh avanga sum leh pai tam tak senral phah an awm tih a hriatin MZP chuan pawi a ti takzet a, hun lokal zel turah hmun hriatchian loha intirh leh zirlai ti mangang zawnga ruahmanna kalpui hi thleng tawh lo se a duh tak zet a ni.


(H. LALREMSIAMA)
General Secretary,

MZP Press Release 29th July 2010

MZP General Headquarters chuan MZP Platinum Jubilee pualin naktuk Dt. 30.7.2010 hian Aizawl khawpui chhunga College hrang hrang a Students’ Union hruaitu leh Hnampual hruaitu Degree Course Passed-te lawmpuina hun I&PR Auditorium ah chawhnu dar hnih(2) ah a buatsaih dawn. He hun hi Pu S.Lalrinawma, Vice President in a kaihruai ang a, Hunserh Pu L.Malsawma Colney, Adviser MZP Gen. Hqrs-in a hmang ang. Reports & Introduction Pu Lalsangzuala Ngente, Asst. General Secretary in a pe ang a, Pu V.L. Krosshnehzova, President leh Pu Lalmuanpuia Punte, Vice Chairman NESO-te hnen atangin thusawi ngaihthlak a ni ang. Tin, he hunah hian zirlai passed te hnenah lawmpuina thuziak mawi tak leh MZP Platinum Souvenir pek an ni ang.

He hun hi Degree Course chhuakte lawmpuina mai bakah S.U. leh Hnampual Zirlai Pawl hruaitu hlui thlahna leh hruaitu thar lawmna atan a buatsaih a ni a. Chuvangin Aizawl khawpui chhunga College hrang hranga S.U hruaitu hlui leh tharte, Hnampual Zirlai Pawl hruaitute’n he hun hi ngai pawimawha tel vek turin MZP chuan a sawmin a ngen tak meuh meuh a ni.
Zanriah kilho nghal tur a ni ang.





(PETER CHHANGTE)
Secretary i/c Publicity